«ياندەكس Go» سەرۆيسٸندەگٸ اۋقىمدى اقاۋدان كەيٸن تاكسيگە سۇرانىس كٷرت ارتتى. جولاۋشىلار جولاقىسى ٷش ەسەگە جۋىق قىمباتتاعانىنا شاعىمداندى. وسى جاعدايعا بايلانىستى بەسەكەلەستٸكتٸ قورعاۋ جەنە دامىتۋ اگەنتتٸگٸ inDrive كومپانيياسىنا رەسمي ەسكەرتۋ جاسادى, دەپ حابارلايدى dalanews.kz.
الايدا كومپانييا بۇل ايىپتاۋلارمەن كەلٸسپەيدٸ. inDrive مەلٸمەتٸنشە, سۇرانىس ەڭ جوعارى بولعان ۋاقىتتا دا سەرۆيس جەلٸسٸ بويىنشا جول جٷرۋدٸڭ ورتاشا قۇنى 519 تەڭگەدەن ارتىق ٶسپەگەن. كەيٸن باعا تۇراقتالعان. كومپانييا جولاقىنىڭ قىمباتتاۋىن بوس كٶلٸكتەردٸڭ جەتٸسپەۋٸمەن تٷسٸندٸرەدٸ. سۇرانىس ارتقان كەزدە جولاۋشىلار تاكسي تەزٸرەك تابۋ ٷشٸن ٶزدەرٸ ۇسىناتىن اقىنى كٶتەرگەن.
باعانى تۇراقتاندىرۋ ٷشٸن سەرۆيس قازاقستاننىڭ 17 ٸرٸ قالاسىندا «ساۋدالاسپاي» تاريفٸن ٸسكە قوستى. سونىمەن قاتار جولاۋشىلار مەن جٷرگٸزۋشٸلەر ۇسىنا الاتىن باعا ارالىعى شەكتەلدٸ. جٷرگٸزۋشٸلەردٸ كٶبٸرەك تارتۋ ماقساتىندا سەرۆيس كوميسسييانى 1 پايىزعا دەيٸن تٶمەندەتتٸ. سونداي-اق كٶلٸكتەردٸ تەكسەرٸپ, تٸركەۋمەن اينالىساتىن قىزمەتكەرلەر سانىن ەكٸ ەسە ارتتىردى.
ەسكە سالايىق, بەسەكەلەستٸكتٸ قورعاۋ جەنە دامىتۋ اگەنتتٸگٸ inDrive سەرۆيسٸنە الدىن الا ەسكەرتۋ جولداعان بولاتىن. وعان 11 قازاندا "ياندەكس Go" سەرۆيسٸ ۋاقىتشا قولجەتٸمسٸز بولۋىنا بايلانىستى جولاقىسى ەدەۋٸر قىمباتتاعانى تۋرالى حابارلامالار نەگٸز بولعان.
وقي وتىرىڭىز:
"ياندەكس" بٸر كٷندە كٷيرەگەننەن كەيٸن قازاقستاندا وتاندىق تاكسي پلاتفورماسى ەزٸرلەنۋٸ مٷمكٸن بە?
