Qazaqstan 2027–2029 jyldarǵa arnalǵan áleýmettik-ekonomikalyq damý boljamynda munaidyń bazalyq baǵasyn barreline 70 dollar deńgeiinde belgiledi, al munai baǵasy 50 dollarǵa deiin tómendegen jaǵdaida ekonomikanyń ortasha jyldyq ósimi 3,2%-dy quraýy múmkin, dep habarlaidy dalanews.kz.
Bul týraly Ulttyq ekonomika ministri ári Premer-ministrdiń orynbasary Serik Jumanǵarin Quryltaida úsh jyldyq biýdjetti qaraý kezinde málimdedi.
Ministrdiń aitýynsha, úkimet syrtqy ekonomikalyq jaǵdailarǵa bailanysty úsh stsenarii ázirlegen.
- Optimistik stsenarii: munai baǵasy barreline 85 dollar, ekonomikanyń ortasha jyldyq ósimi 5,9%.
- Bazalyq stsenarii: munai baǵasy barreline 70 dollar.
- Pessimistik stsenarii: munai baǵasy barreline 50 dollar, ekonomikanyń ortasha jyldyq ósimi 3,2%.
Jumanǵarinniń sózinshe, halyqaralyq uiymdar men jahandyq investitsiialyq bankter 2027 jylǵa arnalǵan munai baǵasynyń boljamyn tómendetken. Sarapshylardyń ortaq boljamy barreline 70,3 dollarǵa deiin qysqarǵan.
Osylaisha, Qazaqstannyń úsh jyldyq biýdjeti munai baǵasynyń bazalyq stsenariide 70 dollar shamasynda saqtalýyna negizdelip otyr. Al baǵa aitarlyqtai tómendese, ekonomikalyq ósim de baiaýlaýy múmkin.
