Astanada taýarlardy berý pýnktiniń 19 jastaǵy qyzmetkeri 14,9 mln teńgeden asa somadaǵy taýarlardy urlaǵany úshin sottaldy, dep habarlaidy dalanews.kz.
Qyzmetker marketpleis qosymshasy arqyly túrli taýarǵa, sonyń ishinde altyn buiymdarǵa, kiim-keshekke, azyq-túlikke jáne basqa da taýarlarǵa tapsyrys rásimdegen. Taýarlardy alǵan kezde olardy jasyryn túrde iemdenip, ornyna basqa zattardy qaitarý nemese qoimaǵa ózge zattardy ótkizý arqyly taýarlardy aýystyryp otyrǵan.
Máselen, quny 182 myń teńge bolatyn altyn syrǵalarǵa tapsyrys berip, olardy áshekei buiymdarǵa aýystyryp, satýshyǵa qaitarǵan. Barlyǵy 14,9 mln teńgeden asa somaǵa 195 taýar urlaǵan.
Sot úkimimen oǵan 5 jyl merzimge bas bostandyǵynan aiyrý jazasy taǵaiyndaldy. Sot úkimi zańdy kúshine endi.
