Jetisý oblysy politsiia departamentiniń esirtki qylmysyna qarsy is-qimyl basqarmasynyń qyzmetkerleri Ishki ister ministrligi jáne Astana qalasy politsiia departamentiniń qyzmetkerlerimen birlesip, Jetisý oblysy prokýratýrasynyń úilestirýimen elordadan Taldyqorǵan qalasyna iri kólemde psihotroptyq zattardy jetkizý arnasynyń jolyn kesti, dep habarlaidy dalanews.kz.
Jedel-izdestirý is-sharalary barysynda politsiia qyzmetkerlerine tyiym salynǵan zattardyń jetkiziletini týraly aqparat túsken. Keiingi jedel jumystar nátijesinde zańsyz tasymaldaýǵa qatysy bar adamdar men onyń mán-jailary anyqtaldy. Astana qalasynda politsiia qyzmetkerleri Taraz qalasynyń týmasy, 32 jastaǵy er adam basqarǵan Geely avtokóligin toqtatty. Kólikti tintý barysynda artqy jolaýshylar oryndyǵynyń tysy astynan untaq tárizdi zaty bar eki orama tabyldy. Tergeý barysynda 2 keli 148 gramm mefedron jáne 506 gramm α-PVP psihotroptyq zaty tárkilendi.
Alaida jedel jumys munymen aiaqtalǵan joq. Keiingi is-sharalar barysynda ustalǵan azamat kinásin moiyndap, odan ári taratýǵa arnalǵan psihotroptyq zat jasyrylǵan oryndy kórsetti. Kórsetilgen aýmaqty tekserý kezinde politsiia qyzmetkerleri taǵy 992 gramm α-PVP psihotroptyq zaty salynǵan oramany anyqtady. Osylaisha, zańsyz ainalymnan jalpy salmaǵy 3 keli 646 gramm psihotroptyq zat tárkilendi. Atalǵan zattar odan ári taratýǵa arnalǵan. Atalǵan derek boiynsha sotqa deiingi tergep-tekserý júrgizilýde. Kúdikti qamaýda otyr.
