جەتٸسۋ وبلىسى پوليتسييا دەپارتامەنتٸنٸڭ ەسٸرتكٸ قىلمىسىنا قارسى ٸس-قيمىل باسقارماسىنىڭ قىزمەتكەرلەرٸ ٸشكٸ ٸستەر مينيسترلٸگٸ جەنە استانا قالاسى پوليتسييا دەپارتامەنتٸنٸڭ قىزمەتكەرلەرٸمەن بٸرلەسٸپ, جەتٸسۋ وبلىسى پروكۋراتۋراسىنىڭ ٷيلەستٸرۋٸمەن ەلوردادان تالدىقورعان قالاسىنا ٸرٸ كٶلەمدە پسيحوتروپتىق زاتتاردى جەتكٸزۋ ارناسىنىڭ جولىن كەستٸ, دەپ حابارلايدى dalanews.kz.
جەدەل-ٸزدەستٸرۋ ٸس-شارالارى بارىسىندا پوليتسييا قىزمەتكەرلەرٸنە تىيىم سالىنعان زاتتاردىڭ جەتكٸزٸلەتٸنٸ تۋرالى اقپارات تٷسكەن. كەيٸنگٸ جەدەل جۇمىستار نەتيجەسٸندە زاڭسىز تاسىمالداۋعا قاتىسى بار ادامدار مەن ونىڭ مەن-جايلارى انىقتالدى. استانا قالاسىندا پوليتسييا قىزمەتكەرلەرٸ تاراز قالاسىنىڭ تۋماسى, 32 جاستاعى ەر ادام باسقارعان Geely اۆتوكٶلٸگٸن توقتاتتى. كٶلٸكتٸ تٸنتۋ بارىسىندا ارتقى جولاۋشىلار ورىندىعىنىڭ تىسى استىنان ۇنتاق تەرٸزدٸ زاتى بار ەكٸ وراما تابىلدى. تەرگەۋ بارىسىندا 2 كەلٸ 148 گرامم مەفەدرون جەنە 506 گرامم α-PVP پسيحوتروپتىق زاتى تەركٸلەندٸ.
الايدا جەدەل جۇمىس مۇنىمەن اياقتالعان جوق. كەيٸنگٸ ٸس-شارالار بارىسىندا ۇستالعان ازامات كٸنەسٸن مويىنداپ, ودان ەرٸ تاراتۋعا ارنالعان پسيحوتروپتىق زات جاسىرىلعان ورىندى كٶرسەتتٸ. كٶرسەتٸلگەن اۋماقتى تەكسەرۋ كەزٸندە پوليتسييا قىزمەتكەرلەرٸ تاعى 992 گرامم α-PVP پسيحوتروپتىق زاتى سالىنعان ورامانى انىقتادى. وسىلايشا, زاڭسىز اينالىمنان جالپى سالماعى 3 كەلٸ 646 گرامم پسيحوتروپتىق زات تەركٸلەندٸ. اتالعان زاتتار ودان ەرٸ تاراتۋعا ارنالعان. اتالعان دەرەك بويىنشا سوتقا دەيٸنگٸ تەرگەپ-تەكسەرۋ جٷرگٸزٸلۋدە. كٷدٸكتٸ قاماۋدا وتىر.
