Qazaqstanda avtojol salasyn reformalaý, jol qurylysynyń sapasyn arttyrý jáne biýdjet qarajatynyń jumsalýyn baqylaýdy kúsheitý úshin úkimettik jumys toby quryldy, dep habarlaidy dalanews.kz.
Premer-ministr Oljas Bektenovtiń ókimimen qurylǵan top jol qurylysynyń qoldanystaǵy júiesin, sapany baǵalaý tásilderin jáne tehnikalyq standarttardy qaita qaraýy kerek.
Reformanyń negizgi baǵyttarynyń biri jol infraqurylymyn basqarýdyń jańa tetikterin engizý bolmaq. Bul rette tsifrlyq sheshimderdi qoldaný, memlekettik qarajatty paidalanýdyń tiimdiligi men ashyqtyǵyn arttyrý máselelerine basymdyq beriledi.
Jumys tobyna Premer-ministrdiń birinshi orynbasary jetekshilik etedi. Onyń quramyna birqatar ministrliktiń basshylyǵy, Bas kólik prokýrorynyń orynbasary, «QazAvtoJol», «QazMunaiGaz» jáne jol sapasy men qurylys salasyndaǵy uiymdardyń ókilderi, sondai-aq sarapshylar men Quryltai depýtattary kirdi.
Oljas Bektenov jumys tobyna 2026 jylǵy 1 jeltoqsanǵa deiin avtojol salasyn túbegeili reformalaý jóninde usynystar ázirleýdi tapsyrdy. Qujatta zańnamalyq ózgerister de qarastyrylýy tiis.
