Kaspii teńizindegi qaiǵyly oqiǵadan aman qalǵan Aqjol, Beket jáne Nikita esimdi úsh sarbazdyń aýrýhanada túsken ortaq sýreti áleýmettik jelide jariialandy, dep habarlaidy dalanews.kz.
Fotosýretti Aqjoldyń anasy Samal Keýelova Instagram paraqshasyna júktep, aýyr kúnderde balalaryna qoldaý kórsetken jandarǵa alǵys bildirdi.
Jariialanǵan kadrda úsh sarbazdyń aýrýhana bólmesinde bir dastarqan basynda otyrǵanyn kórýge bolady.
Samal Keýelova sol kúnderi tek óz ulyna ǵana emes, Beket pen Nikitaǵa da anadai qamqor bolǵanyn jazdy.
"Aýrýhanada jatqan sol 3-4 kúnde tek Aqjoldyń ǵana emes, Beket pen Nikitanyń da anasy boldym", – dep jazdy ol.
Onyń aitýynsha, sarbazdarǵa týǵan-týystarymen qatar Aqjoldyń Astanadaǵy toptastary, buryn múlde tanys bolmaǵan azamattar jáne aýrýhana qyzmetkerleri de kómek kórsetken.
"Sol kúnderi bir nárseni tereń túsindim: qiyndyqta adamnyń kim ekeni emes, júreginiń qandai ekeni kórinedi", – dedi Samal Keýelova.
Sarbazdyń anasy otbasylaryn jalǵyz qaldyrmai, úsh jigittiń jaǵdaiyn surap, qoldaý bildirgen barlyq adamǵa rizashylyǵyn jetkizdi.
"Bizdi jalǵyz qaldyrmaǵan, ýaiymymyzdy bólisken, balalarymyzǵa janashyrlyq tanytqan barshańyzǵa myń alǵys! Alla árqaisyńyzdyń jaqsylyǵyńyzdy eselep qaitarsyn!" – dep túiindedi ol.
Aqjol, Beket jáne Nikita Kaspii teńizindegi oqý-jattyǵý kezinde bolǵan qaiǵyly oqiǵadan aman qalǵan sarbazdar.
