14–16 qazan aralyǵynda Astanada Astana Media Week media aptalyǵy onynshy ret ótedi. Biylǵy sharada buqaralyq aqparat quraldarynyń damý baǵyty, jýrnalistikada jasandy intellektini qoldaný jáne qoǵamnyń aqparatqa degen senimin saqtaý máseleleri talqylanady, dep habarlaidy dalanews.kz.
Is-shara Beibitshilik jáne kelisim saraiynda uiymdastyrylyp jatyr. Oǵan memlekettik organdardyń, Qazaqstan men sheteldik buqaralyq aqparat quraldarynyń, tehnologiialyq kompaniialardyń ókilderi jáne media salasynyń mamandary qatysýda. Biylǵy kezdesýge Ázerbaijannyń aqparat quraldary da kelgen.
Media aptalyqtyń negizgi sharasy – «MEDIA. HUMAN. AI: 10 jyldaǵy ózgerister jáne senimniń jańa júiesi» atty plenarlyq otyrys. Oǵan Qazaqstannyń Mádeniet jáne aqparat ministri Arman Qyryqbaev, Network School negizin qalaýshy Baladji Shrinivasan jáne halyqaralyq media salasynyń ókilderi qatysady dep josparlanǵan.
Kezdesýde halyqaralyq media bailanystaryn damytý, sheteldik aýditoriiaǵa arnalǵan materialdar ázirleý, jýrnalistikada jasandy intellektini paidalaný jáne aqparatqa degen senimdi nyǵaitý máseleleri sóz bolady.
Baǵdarlamada aqparattyń shynaiylyǵyn tekserý, jasandy intellekt kómegimen birneshe tilde habar taratý jáne tsifrlyq media platformalardy damytý boiynsha sheberlik sabaqtary da qarastyrylǵan.
Media aptalyq 16 qazanda QAZAQSTAN MEDIA AWARDS kásibi marapattaryn tabystaý rásimimen aiaqtalady.
