14 qazanda tańerteń álemdik naryqta munai baǵasy ósti, dep habarlaidy dalanews.kz.
Qazaqstan ýaqytymen saǵat 05:30-daǵy jaǵdai boiynsha Brent markaly munai fiýchersteri 89 tsentke nemese 0,8 paiyzǵa qymbattap, barreline 106,58 dollarǵa jetti. Al amerikalyq WTI markaly munaidyń baǵasy 80 tsentke nemese 0,9 paiyzǵa ósip, barreline 94,94 dollar boldy.
Bir kún buryn Brent baǵasy 0,9 paiyzǵa tómendese, WTI 0,4 paiyzǵa qymbattaǵan edi.
Reuters málimetinshe, baǵa qaita ósýine Saýd Arabiiasynan munai jetkizilimine qatysty alańdaýshylyq sebep bolǵan. Keiingi aptada hýsitter koroldikke birneshe ret zymyrandarmen, ushqyshsyz ushý apparattarymen shabýyl jasaǵan bolatyn.
Buǵan deiin Saýd Arabiiasynyń Energetika ministrligi Dahran qalasyndaǵy memlekettik Saudi Aramco munai kompaniiasynyń ákimshilik ǵimaratyna da soqqy jasalǵanyn habarlady.
