Atyraýda 12 qazanǵa qaraǵan túni «Vostok» shaǵynaýdanynda kúkirtsýtektiń mólsheri ruqsat etilgen shekten 4,3 ese joǵary bolǵan. Qala turǵyndary qoiý tútin men jaǵymsyz iiske jappai shaǵymdanyp jatyr, dep habarlaidy dalanews.kz.
Áleýmettik jelide jariialanǵan málimetke sáikes, «Vostok» shaǵynaýdanynda kúkirtsýtektiń mólsheri tekshe metrine 34,2 mikrogrammǵa jetken. Al belgilengen shekti mólsher – 8 mikrogramm.
Sol túni Samal shaǵynaýdanynda kómirtek totyǵynyń mólsheri de ruqsat etilgen deńgeiden 1,8 ese asyp ketken.
Turǵyndar aýadaǵy jaǵymsyz iiske shaǵymdanǵanymen, lastanýdyń naqty sebebi ázirge belgisiz. Ziiandy zattardyń qaidan taraǵany jáne oǵan kim jaýapty ekeni de anyqtalmaǵan.
Jazba avtory Atyraý oblysynyń ekologiia departamentine resmi saýal joldanǵanyn habarlady. Qaladaǵy ekologiialyq jaǵdaiǵa alańdaǵan keibir turǵyndar tipti basqa jaqqa kóshýdi oilap júrgenin aitqan.
