14 قازاندا تاڭەرتەڭ ەلەمدٸك نارىقتا مۇناي باعاسى ٶستٸ, دەپ حابارلايدى dalanews.kz.
قازاقستان ۋاقىتىمەن ساعات 05:30-داعى جاعداي بويىنشا Brent ماركالى مۇناي فيۋچەرستەرٸ 89 تسەنتكە نەمەسە 0,8 پايىزعا قىمباتتاپ, باررەلٸنە 106,58 دوللارعا جەتتٸ. ال امەريكالىق WTI ماركالى مۇنايدىڭ باعاسى 80 تسەنتكە نەمەسە 0,9 پايىزعا ٶسٸپ, باررەلٸنە 94,94 دوللار بولدى.
بٸر كٷن بۇرىن Brent باعاسى 0,9 پايىزعا تٶمەندەسە, WTI 0,4 پايىزعا قىمباتتاعان ەدٸ.
Reuters مەلٸمەتٸنشە, باعا قايتا ٶسۋٸنە ساۋد ارابيياسىنان مۇناي جەتكٸزٸلٸمٸنە قاتىستى الاڭداۋشىلىق سەبەپ بولعان. كەيٸنگٸ اپتادا حۋسيتتەر كورولدٸككە بٸرنەشە رەت زىمىراندارمەن, ۇشقىشسىز ۇشۋ اپپاراتتارىمەن شابۋىل جاساعان بولاتىن.
بۇعان دەيٸن ساۋد ارابيياسىنىڭ ەنەرگەتيكا مينيسترلٸگٸ داحران قالاسىنداعى مەملەكەتتٸك Saudi Aramco مۇناي كومپانيياسىنىڭ ەكٸمشٸلٸك عيماراتىنا دا سوققى جاسالعانىن حابارلادى.
