قازاقستاندا 2026 جىلدىڭ العاشقى توعىز ايىندا 356 مىڭ جەكە كەسٸپكەر ەسەپتەن شىعارىلدى, ولاردىڭ 20,8%-ى ٶزٸن-ٶزٸ جۇمىسپەن قامتىعاندار رەجيمٸنە كٶشكەن, دەپ حابارلايدى dalanews.kz.
قازاقستاندا بيىلعى جىلدىڭ قاڭتار-قىركٷيەك ايلارىندا 277 مىڭ جاڭا كەسٸپكەرلٸك سۋبەكتٸسٸ تٸركەلگەن. ونىڭ ٸشٸندە 34,7 مىڭى زاڭدى تۇلعا, ال 242,3 مىڭى جەكە كەسٸپكەر رەتٸندە تٸركەلگەن. بۇل تۋرالى ٷكٸمەت وتىرىسىندا پرەمەر-مينيستردٸڭ ورىنباسارى, ۇلتتىق ەكونوميكا مينيسترٸ سەرٸك جۇمانعارين مەلٸمدەدٸ.
سونىمەن قاتار ەسەپتٸ كەزەڭدە 19,7 مىڭ زاڭدى تۇلعا مەن 356 مىڭ جەكە كەسٸپكەر ەسەپتەن شىعارىلعان.
مينيستردٸڭ ايتۋىنشا, قىزمەتٸن توقتاتقان جەكە كەسٸپكەرلەردٸڭ 42,6%-ى 2025 جىلى تابىس تاپپاعان. ال 20,8%-ى ٶزٸن-ٶزٸ جۇمىسپەن قامتىعاندارعا ارنالعان رەجيمگە كٶشٸپ, جۇمىسىن جالعاستىرعان.
قالعان 36,6%-ىنىڭ, ياعني 130,3 مىڭ جەكە كەسٸپكەردٸڭ نەلٸكتەن ەسەپتەن شىعارىلعانى تۋرالى مينيستر ناقتى تٷسٸنٸكتەمە بەرگەن جوق.
وسىلايشا, ەسەپتەن شىعارىلعان بارلىق جەكە كەسٸپكەر بيزنەستەن بٸرجولا كەتكەن جوق: ولاردىڭ بٸر بٶلٸگٸ قىزمەت فورماتىن ٶزگەرتكەن. ال قالعان كەسٸپكەرلەردٸڭ قىزمەتٸن توقتاتۋ سەبەپتەرٸ ەزٸرگە بەلگٸسٸز.
