Qazaqstanda 2026 jyldyń alǵashqy toǵyz aiynda 356 myń jeke kásipker esepten shyǵaryldy, olardyń 20,8%-y ózin-ózi jumyspen qamtyǵandar rejimine kóshken, dep habarlaidy dalanews.kz.
Qazaqstanda biylǵy jyldyń qańtar-qyrkúiek ailarynda 277 myń jańa kásipkerlik sýbektisi tirkelgen. Onyń ishinde 34,7 myńy zańdy tulǵa, al 242,3 myńy jeke kásipker retinde tirkelgen. Bul týraly Úkimet otyrysynda Premer-ministrdiń orynbasary, Ulttyq ekonomika ministri Serik Jumanǵarin málimdedi.
Sonymen qatar esepti kezeńde 19,7 myń zańdy tulǵa men 356 myń jeke kásipker esepten shyǵarylǵan.
Ministrdiń aitýynsha, qyzmetin toqtatqan jeke kásipkerlerdiń 42,6%-y 2025 jyly tabys tappaǵan. Al 20,8%-y ózin-ózi jumyspen qamtyǵandarǵa arnalǵan rejimge kóship, jumysyn jalǵastyrǵan.
Qalǵan 36,6%-ynyń, iaǵni 130,3 myń jeke kásipkerdiń nelikten esepten shyǵarylǵany týraly ministr naqty túsinikteme bergen joq.
Osylaisha, esepten shyǵarylǵan barlyq jeke kásipker biznesten birjola ketken joq: olardyń bir bóligi qyzmet formatyn ózgertken. Al qalǵan kásipkerlerdiń qyzmetin toqtatý sebepteri ázirge belgisiz.
