Shyǵys Qazaqstanda shamamen 1500 jyldyq kóne qalashyq tabyldy, dep habarlaidy dalanews.kz.
Arheologtar Qytai shekarasyna jaqyn, Zaisan qazanshuńqyrynda ornalasqan Qaljyr qalashyǵyn zerttedi. Tarihi eskertkishtiń aýmaǵy 25 gektardan asady. Tabylǵan jádigerler VI-VII ǵasyrlarǵa, iaǵni Birinshi Túrik qaǵanaty dáýirine jatady. Bul týraly Medievalists.net basylymy jazdy.
Qazba jumystary kezinde ǵalymdar qýatty qorǵanys qurylystarynyń qaldyqtaryn, ǵimarattardyń izderin, kúiip ketken bidai men burshaq dánderin, qysh ydystardy jáne ishinde syldyrmaǵy bar sirek qus músinin tapqan. Qorǵanys qurylystarynyń bir bóligi órtten joiylǵan. Alaida órt neden shyqqany belgisiz.
Sonymen qatar, arheologtar keiingi qola dáýirine jatatyn odan da kóne jerleý qurylysyn anyqtaǵan. Zertteý jumystary jalǵasady. Jinalǵan derekti aýmaqtyń tsifrlyq modelderin jasaýǵa paidalaný josparlanyp otyr.
