Qazaqstanda 5–9 jas aralyǵyndaǵy balalardyń 23,2%-ynan artyq salmaq anyqtalǵan. Bul týraly Densaýlyq saqtaý ministrligi 2024 jylǵy zertteý nátijelerine súienip habarlady, dep habarlaidy dalanews.kz.
Vedomstvo artyq salmaq balalardyń ekinshi tiptegi qant diabeti men júrek-qan tamyrlary aýrýlaryna shaldyǵý qaýpin arttyratynyn eskertti. Ministrliktiń málimetinshe, 2025 jyly Qazaqstanda 18 jasqa tolmaǵan balalar arasynda ekinshi tiptegi qant diabetiniń 1 104 jaǵdaiy tirkelgen. Onyń 237-si – alǵash ret anyqtalǵan jaǵdailar.
Osyǵan bailanysty Densaýlyq saqtaý ministrligi mekteptegi tamaqtaný sapasy men balalardyń dene belsendiligine nazar aýdarýǵa shaqyrdy. Sonymen birge balanyń syrtqy kelbetine bailanysty oǵan qysym kórsetýge bolmaitynyn atap ótti.
«Balalardy mazaq etýge, artyq salmaǵy úshin kinálaýǵa jáne olardyń salmaǵyn kópshilik aldynda talqylaýǵa jol berilmeidi», – dep eskertti vedomstvo.
