Qazaqstannyń úsh óńirindegi janarmai quiý beketterinen belgilengen talaptarǵa sai kelmeitin benzin anyqtaldy. Bul týraly Premer-ministr Oljas Bektenov depýtattyq saýalǵa bergen jaýabynda málimdedi, dep habarlaidy dalanews.kz.
Úkimet basshysynyń aitýynsha, janarmai sapasyna qatysty talaptardyń buzylǵany memlekettik baqylaý men zerthanalyq saraptama nátijeleri arqyly anyqtalady. Zań buzýshylyqqa jol bergen tulǵalar da osy nátijeler negizinde belgilenedi.
«2026 jyldyń basynan beri Saýda jáne integratsiia ministrliginiń Tehnikalyq retteý jáne metrologiia komiteti janarmai quiý beketterinde 76 baqylaý is-sharasyn ótkizdi. Onyń ishinde jospardan tys tekserýler, profilaktikalyq baqylaý jáne baqylaý maqsatynda satyp alý jumystary bar. Zertteýge benzinniń 78 synamasy alyndy», – delingen Premer-ministrdiń jaýabynda.
Zerthanalyq zertteý nátijesinde úsh jaǵdaida benzinniń belgilengen talaptarǵa sáikes kelmeitini rastalǵan. Mundai derekter Almaty qalasynda, Jetisý oblysynda jáne Qyzylorda óńirinde anyqtaldy.
Atalǵan faktiler boiynsha qoldanystaǵy zańnamaǵa sáikes tiisti sharalar qabyldanǵan.
