Elimizde oqýshylarǵa amandasý mádenietin úiretýge arnalǵan ádistemelik usynymdar daiyndalyp jatyr. Bul týraly Oqý-aǵartý ministri Juldyz Súleimenova Quryltai depýtaty Erlan Saiyrdyń saýalyna bergen jaýabynda málimdedi, dep habarlaidy dalanews.kz.
Buǵan deiin depýtat mektepterdegi kúndelikti tárbie jumysyna amandasý ádebin engizýdi usynǵan edi. Ministrdiń sózinshe, bul bastama ulttyq salt-dástúrdi dáriptep, balalardyń boiyna úlkenge qurmet, kishige izet jáne ózara syilastyq sekildi qundylyqtardy sińirýge baǵyttalǵan.
"Bilim alýshylardyń amandasý ádebin qalyptastyrý máselesi ulttyq mádeniet pen dástúrdi dáripteý, úlkendi qurmetteý, kishige izet kórsetý, ózara syilastyq pen ádeptilik qundylyqtaryn ornyqtyrý turǵysynan ózekti", – dedi Juldyz Súleimenova.
Qazir Ybyrai Altynsarin atyndaǵy Ulttyq bilim akademiiasynyń janynan arnaiy jumys toby qurylǵan. Onyń quramyna ǵalymdar, sarapshylar men azamattyq qoǵam ókilderi kirgen. Olar oqýshylardyń amandasý mádenietin qalyptastyrýǵa arnalǵan ádistemelik usynymdardy ázirlep jatyr.
Qujatty daiyndaý kezinde pedagogterdiń, ata-analardyń, memlekettik organdar men basqa da múddeli taraptardyń pikirleri eskerilmek. Keiin usynystar depýtattardyń qatysýymen qosymsha talqylanady.
