Qazaqstanda toǵyz aida azyq-túlik ónimderiniń bólshek saýda kólemi 10,1 paiyzǵa artty. Al azyq-túlikke jatpaityn taýarlar saýdasynyń ósimi 1,6 paiyz boldy. Bul týraly Ulttyq statistika biýrosynyń derekterinde kórsetilgen, dep habarlaidy dalanews.kz.
Jalpy, qańtar-qyrkúiek ailarynda eldegi bólshek saýda kólemi 20,05 trillion teńgege jetti.
Azyq-túlik saýdasy jyldam óskenimen, bólshek saýdanyń negizgi bóligin áli de azyq-túlikke jatpaityn taýarlar quraidy. Olardyń úlesi jalpy saýda ainalymynyń 64,9 paiyzyna teń. Al azyq-túlik ónimderiniń úlesi 35,1 paiyz boldy.
Bólshek saýda ainalymynyń 68,7 paiyzy saýda kásiporyndaryna tiesili. Al bazarlarda saýda jasaityndardy qosa alǵanda, jeke kásipkerlerdiń úlesi 31,3 paiyz. Sonymen qatar jeke kásipkerlerdiń saýda ainalymy 9,3 paiyzǵa ósken. Al saýda kásiporyndaryndaǵy ósim 2,1 paiyz boldy.
Óńirler arasynda bólshek saýda kólemi boiynsha Almaty qalasy kósh bastady. Qalaǵa elimizdegi jalpy bólshek saýda ainalymynyń 32,8 paiyzy tiesili. Astananyń úlesi 14,2 paiyzdy qurady.
