قازاقستاندا توعىز ايدا ازىق-تٷلٸك ٶنٸمدەرٸنٸڭ بٶلشەك ساۋدا كٶلەمٸ 10,1 پايىزعا ارتتى. ال ازىق-تٷلٸككە جاتپايتىن تاۋارلار ساۋداسىنىڭ ٶسٸمٸ 1,6 پايىز بولدى. بۇل تۋرالى ۇلتتىق ستاتيستيكا بيۋروسىنىڭ دەرەكتەرٸندە كٶرسەتٸلگەن, دەپ حابارلايدى dalanews.kz.
جالپى, قاڭتار-قىركٷيەك ايلارىندا ەلدەگٸ بٶلشەك ساۋدا كٶلەمٸ 20,05 تريلليون تەڭگەگە جەتتٸ.
ازىق-تٷلٸك ساۋداسى جىلدام ٶسكەنٸمەن, بٶلشەك ساۋدانىڭ نەگٸزگٸ بٶلٸگٸن ەلٸ دە ازىق-تٷلٸككە جاتپايتىن تاۋارلار قۇرايدى. ولاردىڭ ٷلەسٸ جالپى ساۋدا اينالىمىنىڭ 64,9 پايىزىنا تەڭ. ال ازىق-تٷلٸك ٶنٸمدەرٸنٸڭ ٷلەسٸ 35,1 پايىز بولدى.
بٶلشەك ساۋدا اينالىمىنىڭ 68,7 پايىزى ساۋدا كەسٸپورىندارىنا تيەسٸلٸ. ال بازارلاردا ساۋدا جاسايتىنداردى قوسا العاندا, جەكە كەسٸپكەرلەردٸڭ ٷلەسٸ 31,3 پايىز. سونىمەن قاتار جەكە كەسٸپكەرلەردٸڭ ساۋدا اينالىمى 9,3 پايىزعا ٶسكەن. ال ساۋدا كەسٸپورىندارىنداعى ٶسٸم 2,1 پايىز بولدى.
ٶڭٸرلەر اراسىندا بٶلشەك ساۋدا كٶلەمٸ بويىنشا الماتى قالاسى كٶش باستادى. قالاعا ەلٸمٸزدەگٸ جالپى بٶلشەك ساۋدا اينالىمىنىڭ 32,8 پايىزى تيەسٸلٸ. استانانىڭ ٷلەسٸ 14,2 پايىزدى قۇرادى.
