Eýropalyq odaq Reseige qarsy sanktsiialardyń 22-paketin qabyldap, áskeri-ónerkásiptik keshenmen bailanysty 1,6 myńǵa jýyq jeke tulǵa men uiymdy shekteý tizimine engizdi, dep habarlaidy dalanews.kz.
EO-nyń syrtqy saiasat jónindegi joǵary ókili Kaia Kallastyń málimdeýinshe, jańa sanktsiialyq tizimge engen nysandardyń jartysynan astamy Reseidiń ballistikalyq zymyrandaryn óndirý tizbegine qatysy bar. Shekteýler zymyrandardy zertteý jáne synaý ortalyqtaryn, qatty otyn men zymyran qozǵaltqyshtaryn óndirýshilerdi, sondai-aq áskeri maqsatta qoldanylatyn arnaiy toqyma materialdary men sintetikalyq talshyqtardy shyǵaratyn kásiporyndardy qamtidy.
Sanktsiialar tizimine ushqyshsyz ushý apparattaryn óndirýshiler men súńgýir qaiyqtarǵa qyzmet kórsetetin keme jóndeý kásiporyndary da engizildi. Budan bólek, Resei basyp alǵan Ýkraina aýmaqtaryndaǵy parlamenttik sailaýǵa qatysqan 77 reseilik saiasatkerge shekteý qoiyldy. Eýroodaq Reseidiń áskeri áreketterine qoldaý kórsetýmen bailanysty Soltústik Koreianyń jeti azamaty men uiymyn da tizimge qosty.
Jańa sharalar Reseidiń áskeri óndirisine qajetti tehnologiialar men komponentterge qol jetkizýin shekteýge baǵyttalǵan. Ásirese ballistikalyq zymyrandardy óndirý tizbegine nazar aýdarylýy Reseidiń áskeri áleýetin qoldaityn kásiporyndar men jetkizýshilerge qysymdy kúsheitýge arnalǵan.
Reuters agenttiginiń málimetinshe, sanktsiialardy engizý týraly kelisimdi EO elderiniń ókilderi 7 qazanda maquldaǵan. Al 12 qazanda Eýroodaqtyń syrtqy ister ministrleri jańa shekteýlerdi resmi túrde qabyldady.
Eske salaiyq, Reseidiń Ýkrainaǵa qarsy soǵysyna bailanysty Eýroodaq engizgen sanktsiialardyń 22-paketi. Buǵan deiingi, 2026 jylǵy 23 shildede qabyldanǵan 21-paket energetika, qarjy qyzmetteri, kriptovaliýta jáne áskeri-ónerkásiptik keshen salalaryn qamtyǵan edi.
