12 qazanda Petropavl qalasyndaǵy kásiporyndardyń birinde qaiǵyly jaǵdai boldy. Óndiristik jaraqat saldarynan 35 jastaǵy jumysshy oqiǵa ornynda kóz jumdy, dep habarlaidy dalanews.kz.
Áleýmettik jelide taraǵan aqparatqa súiensek, er adam qamyr ileitin mashinany tazalap jatqan kezde qondyrǵynyń ishine qulap, ainalyp turǵan qalaqtardyń astynda qalǵan.
Politsiia oqiǵaǵa bailanysty eńbekti qorǵaý talaptaryn buzý saldarynan abaisyzda adam ólimine ákep soǵý deregi boiynsha qylmystyq is qozǵady.
"Qazir oqiǵanyń barlyq mán-jaiyn jan-jaqty ári obektivti anyqtaýǵa baǵyttalǵan tergeý amaldary júrgizilip jatyr", – dep habarlady politsiia ókilderi.
Quzyrly organdar ázirge istiń ózge málimetterin jariialaǵan joq.
