شىعىس قازاقستاندا شامامەن 1500 جىلدىق كٶنە قالاشىق تابىلدى, دەپ حابارلايدى dalanews.kz.
ارحەولوگتار قىتاي شەكاراسىنا جاقىن, زايسان قازانشۇڭقىرىندا ورنالاسقان قالجىر قالاشىعىن زەرتتەدٸ. تاريحي ەسكەرتكٸشتٸڭ اۋماعى 25 گەكتاردان اسادى. تابىلعان جەدٸگەرلەر VI-VII عاسىرلارعا, ياعني بٸرٸنشٸ تٷرٸك قاعاناتى دەۋٸرٸنە جاتادى. بۇل تۋرالى Medievalists.net باسىلىمى جازدى.
قازبا جۇمىستارى كەزٸندە عالىمدار قۋاتتى قورعانىس قۇرىلىستارىنىڭ قالدىقتارىن, عيماراتتاردىڭ ٸزدەرٸن, كٷيٸپ كەتكەن بيداي مەن بۇرشاق دەندەرٸن, قىش ىدىستاردى جەنە ٸشٸندە سىلدىرماعى بار سيرەك قۇس مٷسٸنٸن تاپقان. قورعانىس قۇرىلىستارىنىڭ بٸر بٶلٸگٸ ٶرتتەن جويىلعان. الايدا ٶرت نەدەن شىققانى بەلگٸسٸز.
سونىمەن قاتار, ارحەولوگتار كەيٸنگٸ قولا دەۋٸرٸنە جاتاتىن ودان دا كٶنە جەرلەۋ قۇرىلىسىن انىقتاعان. زەرتتەۋ جۇمىستارى جالعاسادى. جينالعان دەرەكتٸ اۋماقتىڭ تسيفرلىق مودەلدەرٸن جاساۋعا پايدالانۋ جوسپارلانىپ وتىر.
