Qazaqstan prezidenti Qasym-Jomart Toqaev Reseidiń Leningrad oblysynyń gýbernatory Aleksandr Drozdenkomen ónerkásip, atom energetikasy, kólik jáne agroónerkásip kesheni salalaryndaǵy yntymaqtastyqty talqylady, dep habarlaidy dalanews.kz.
Kezdesý barysynda Qazaqstan men Reseidiń strategiialyq seriktestigin nyǵaitýdaǵy óńiraralyq yqpaldastyqtyń mańyzy atap ótildi. Memleket basshysy Leningrad oblysynyń ónerkásiptik jáne kólik-logistikalyq áleýetine toqtalyp, Qazaqstannyń óńirmen ózara tiimdi yntymaqtastyqty keńeitýge daiyn ekenin rastady.
Toqaevtyń aitýynsha, ekijaqty saýda-ekonomikalyq bailanystar qarqyndy damyp keledi. Ótken jyly Qazaqstan men Leningrad oblysy arasyndaǵy taýar ainalymy 400 million dollardan asqan.
Aleksandr Drozdenko qabyldaǵany úshin Qazaqstan prezidentine alǵys aityp, Resei prezidenti Vladimir Pýtinniń sálemin jetkizdi. Sondai-aq ol Uly Otan soǵysy jyldarynda Leningrad úshin shaiqasqan qazaqstandyqtardyń erligine toqtalyp, olardyń esimi men erligi týraly estelik saqtalatynyn atap ótti.
Kezdesý barysynda ónerkásip, atom energetikasy, kólik jáne agroónerkásip kesheni salalarynda birlesken jobalardy júzege asyrý múmkindikteri qarastyryldy. Sonymen qatar mádeni-gýmanitarlyq bailanystardy tereńdetý máseleleri talqylandy.
