قازاقستان پرەزيدەنتٸ قاسىم-جومارت توقاەۆ رەسەيدٸڭ لەنينگراد وبلىسىنىڭ گۋبەرناتورى الەكساندر دروزدەنكومەن ٶنەركەسٸپ, اتوم ەنەرگەتيكاسى, كٶلٸك جەنە اگروٶنەركەسٸپ كەشەنٸ سالالارىنداعى ىنتىماقتاستىقتى تالقىلادى, دەپ حابارلايدى dalanews.kz.
كەزدەسۋ بارىسىندا قازاقستان مەن رەسەيدٸڭ ستراتەگييالىق سەرٸكتەستٸگٸن نىعايتۋداعى ٶڭٸرارالىق ىقپالداستىقتىڭ ماڭىزى اتاپ ٶتٸلدٸ. مەملەكەت باسشىسى لەنينگراد وبلىسىنىڭ ٶنەركەسٸپتٸك جەنە كٶلٸك-لوگيستيكالىق ەلەۋەتٸنە توقتالىپ, قازاقستاننىڭ ٶڭٸرمەن ٶزارا تيٸمدٸ ىنتىماقتاستىقتى كەڭەيتۋگە دايىن ەكەنٸن راستادى.
توقاەۆتىڭ ايتۋىنشا, ەكٸجاقتى ساۋدا-ەكونوميكالىق بايلانىستار قارقىندى دامىپ كەلەدٸ. ٶتكەن جىلى قازاقستان مەن لەنينگراد وبلىسى اراسىنداعى تاۋار اينالىمى 400 ميلليون دوللاردان اسقان.
الەكساندر دروزدەنكو قابىلداعانى ٷشٸن قازاقستان پرەزيدەنتٸنە العىس ايتىپ, رەسەي پرەزيدەنتٸ ۆلاديمير پۋتيننٸڭ سەلەمٸن جەتكٸزدٸ. سونداي-اق ول ۇلى وتان سوعىسى جىلدارىندا لەنينگراد ٷشٸن شايقاسقان قازاقستاندىقتاردىڭ ەرلٸگٸنە توقتالىپ, ولاردىڭ ەسٸمٸ مەن ەرلٸگٸ تۋرالى ەستەلٸك ساقتالاتىنىن اتاپ ٶتتٸ.
كەزدەسۋ بارىسىندا ٶنەركەسٸپ, اتوم ەنەرگەتيكاسى, كٶلٸك جەنە اگروٶنەركەسٸپ كەشەنٸ سالالارىندا بٸرلەسكەن جوبالاردى جٷزەگە اسىرۋ مٷمكٸندٸكتەرٸ قاراستىرىلدى. سونىمەن قاتار مەدەني-گۋمانيتارلىق بايلانىستاردى تەرەڭدەتۋ مەسەلەلەرٸ تالقىلاندى.
