استانادا جاساندى ينتەللەكت پەن تسيفرلىق تەحنولوگييالار ارقىلى قىلمىستىڭ الدىن الۋعا باعىتتالعان 60-قا جۋىق جوبا تانىستىرىلدى, دەپ حابارلايدى dalanews.kz.
17 قازاندا Alem.AI حالىقارالىق ورتالىعىندا قازاقستان رەسپۋبليكاسى پرەزيدەنتٸنٸڭ جاساندى ينتەللەكتٸنٸ دامىتۋ جٶنٸندەگٸ جارلىعىن ٸسكە اسىرۋ اياسىندا جەنە ٸشكٸ ٸستەر مينيسترٸنٸڭ تاپسىرماسى بويىنشا «Kazakhstan Prevention Days – 2026» جوبالار كٶرمەسٸ ٶتتٸ.
ٸس-شاراعا ٸشكٸ ٸستەر مينيسترلٸگٸنٸڭ, پوليتسييا دەپارتامەنتتەرٸنٸڭ, ەكٸمدٸكتەردٸڭ, جوعارى وقۋ ورىندارى مەن ٷكٸمەتتٸك ەمەس ۇيىمداردىڭ ٶكٸلدەرٸ قاتىستى. كٶرمەدە قىلمىستىڭ سالدارىمەن كٷرەسۋمەن قاتار, ونىڭ الدىن الۋعا جەنە ىقتيمال قاۋٸپ-قاتەردٸ ەرتە انىقتاۋعا مٷمكٸندٸك بەرەتٸن تەحنولوگييالىق شەشٸمدەر ۇسىنىلدى.
جوبالاردىڭ بٸر بٶلٸگٸ تەلەفون الاياقتىعىمەن كٷرەسۋگە باعىتتالعان. اتاپ ايتقاندا, ابونەنتكە جەتپەي الاياقتىق قوڭىراۋلاردى بۇعاتتاۋعا ارنالعان جٷيە جەنە ازاماتتاردى پسيحولوگييالىق مانيپۋلياتسييا تەسٸلدەرٸن تانۋعا ٷيرەتەتٸن «CIMM.PRO» ينتەراكتيۆتٸ سيمۋلياتورى تانىستىرىلدى.
كٶلٸك ينفراقۇرىلىمىنىڭ قاۋٸپسٸزدٸگٸن ارتتىرۋعا ارنالعان جوبالار دا كٶرسەتٸلدٸ. «JOLScan» پلاتفورماسى جول جابىنىنداعى اقاۋلاردى انىقتاپ, جول-كٶلٸك وقيعالارىنىڭ الدىن الۋعا باعىتتالعان. ال «SafeRail Qazaqstan» بەينەاناليتيكا جٷيەسٸ ۆوكزالداردا قاراۋسىز قالعان زاتتار مەن ٸزدەۋدە جٷرگەن ادامداردى ناقتى ۋاقىت رەجيمٸندە انىقتاۋعا ارنالعان.
بالالار مەن وتباسىلاردىڭ قاۋٸپسٸزدٸگٸنە قاتىستى بٸرنەشە باستاما ۇسىنىلدى. «AiMap» جٷيەسٸ بالالاردىڭ قاۋٸپتٸ تسيفرلىق توپتارعا تارتىلۋىن ەرتە انىقتاۋعا باعىتتالعان. «E-Bagdar» ۇلتتىق حابارلاندىرۋ الاڭى جوعالعان ادامداردى ٸزدەۋگە كٶمەكتەسۋگە ارنالعان. ال «تسيفرلىق يممۋنيتەت» جوباسى جاسٶسپٸرٸمدەردٸڭ كيبەرساۋاتتىلىعىن ارتتىرۋدى كٶزدەيدٸ.
كٶرمەدە تۇرمىستىق زورلىق-زومبىلىقتىڭ الدىن الۋعا باعىتتالعان «بٸز جاقىنبىز 2.0», «قاۋٸپسٸز وتباسى – قاۋٸپسٸز قوعام», «AL-JAN» جەنە «SENIM TECHNOLOGIES» باستامالارى دا تانىستىرىلدى.
ۇيىمداستىرۋشىلاردىڭ ايتۋىنشا, تسيفرلىق قۇرالداردى قولدانۋ ىقتيمال قاۋٸپتەردٸ ەرتە انىقتاپ, قۇقىق بۇزۋشىلىقتاردىڭ الدىن الۋ مٷمكٸندٸگٸن كەڭەيتەدٸ.
«بٸزدٸڭ ماقساتىمىز – قىلمىس بولعاننان كەيٸن سالدارىمەن كٷرەسۋ ەمەس, ونىڭ تٷبەگەيلٸ الدىن الۋ. تسيفرلىق قۇرالدار قاۋٸپتٸ ەرتە باستان كٶرۋگە مٷمكٸندٸك بەرەدٸ. سوندىقتان تەحنولوگييالىق ەكوجٷيەنٸ قالىپتاستىرۋ – ۋاقىت تالابى», – دەپ اتاپ ٶتتٸ كٶرمەنٸ ۇيىمداستىرۋشىلار.
ٸس-شاراعا گەرمانييا, قىرعىزستان, ٶزبەكستان جەنە تەجٸكستاننان كەلگەن ساراپشىلار دا قاتىستى. حالىقارالىق قاتىسۋشىلار قۇقىق قورعاۋ سالاسىندا جاساندى ينتەللەكتٸنٸ قولدانۋ جەنە ترانسشەكارالىق كيبەرقىلمىسپەن كٷرەستە تەحنولوگييالىق ىنتىماقتاستىقتى دامىتۋ مەسەلەلەرٸن تالقىلادى.
ۇيىمداستىرۋشىلاردىڭ مەلٸمەتٸنشە, كٶرمەدە ۇسىنىلعان جوبالاردى الداعى ۋاقىتتا استانا مەن ٶڭٸرلەردە پيلوتتىق رەجيمدە ٸسكە قوسۋ جوسپارلانىپ وتىر. ولاردىڭ تيٸمدٸلٸگٸ سىناق نەتيجەلەرٸنە بايلانىستى باعالانباق.
