قازاقستان پرەزيدەنتٸ قاسىم-جومارت توقاەۆ ماروككونىڭ كاسابلانكا قالاسىندا ٶتكەن سەمسەرلەسۋدەن ەلەم كۋبوگى كەزەڭٸندە جەڭٸسكە جەتكەن ۇلتتىق قۇرامانى قۇتتىقتادى, دەپ حابارلايدى dalanews.kz.
قازاقستاندىق سەمسەرلەسۋشٸلەر حالىقارالىق جارىستا توپ جارىپ, ەل سپورتى ٷشٸن تاريحي نەتيجەگە قول جەتكٸزدٸ.
وسى جەڭٸستٸڭ ارقاسىندا ۇلتتىق قۇراما حالىقارالىق سەمسەرلەسۋ فەدەراتسيياسىنىڭ (FIE) ەلەمدٸك رەيتينگٸندە العاش رەت بٸرٸنشٸ ورىنعا كٶتەرٸلدٸ.
مەملەكەت باسشىسى سپورتشىلاردىڭ حالىقارالىق ارەناداعى جەتٸستٸگٸن اتاپ ٶتٸپ, قازاقستان قۇراماسىنا قۇتتىقتاۋىن جولدادى.
قاسىم-جومارت توقاەۆ قازاقستاندىق سەمسەرلەسۋشٸلەردٸڭ الداعى ۋاقىتتا دا ەلەمنٸڭ ەڭ بەدەلدٸ جارىستارىندا تابىستى ٶنەر كٶرسەتٸپ, ەلٸمٸزدٸڭ كٶك بايراعىن بيٸكتە جەلبٸرەتە بەرۋٸنە تٸلەكتەستٸك بٸلدٸردٸ.
