Abai oblysynyń Aiagóz aýdanyndaǵy arnaýly áleýmettik qyzmetter kórsetý ortalyǵynda erekshe kútimdi qajet etetin balalarǵa qatysty 100-den astam fizikalyq jáne psihologiialyq zorlyq-zombylyq faktisi anyqtaldy, dep habarlaidy dalanews.kz.
Balalardyń quqyqtaryn qorǵaý maqsatynda oblys prokýratýrasy arnaýly áleýmettik qyzmetter kórsetý ortalyqtarynda tekserý júrgizgen. Aiagóz aýdanyndaǵy mekemeni tekserý barysynda sanitarlardyń tárbielenýshilerdiń dármensiz jaǵdaiyn paidalanyp, olarǵa júieli túrde kúsh kórsetkeni anyqtalǵan.
Sonymen qatar prokýratýra zańsyz áreketterdi kóre tura, olardyń jolyn kesý úshin shara qoldanbaǵan mekemeniń keibir qyzmetkerleriniń áreketsizdigin áshkereledi.
Atalǵan faktiler boiynsha Qazaqstan Respýblikasy Qylmystyq kodeksiniń 140-babynyń 3-bóligimen sotqa deiingi tergep-tekserý bastaldy.
Tárbielenýshilerdiń qaýipsizdigin qamtamasyz etý úshin iske qatysy bar adamdar qyzmettik mindetterin atqarýdan shettetilip, balalarmen bailanysýyna shekteý qoiyldy.
Oblys prokýratýrasy balalardyń quqyqtary men zańdy múddelerin qorǵaý, sondai-aq olardyń qaýipsizdigin qamtamasyz etý baǵytyndaǵy tekserý sharalary jalǵasyp jatqanyn habarlady.
