Áleýmettik jelige júrgizilgen monitoring barysynda "Aqtóbe" jáne "Ordabasy" komandalary arasyndaǵy match kezinde kámeletke tolmaǵan qyzdar jaǵymsyz mazmundaǵy plakat ustaǵany kórinetin video anyqtalǵan, dep habarlaidy dalanews.kz.
Politsiia qyzmetkerleri kámeletke tolmaǵandardy anyqtaǵan.
"Ata-analarymen birge olarǵa profilaktikalyq áńgime júrgizildi. Qyzdardyń ata-analary balalardy tárbieleý jónindegi mindetin tiisinshe oryndamaǵany úshin ákimshilik jaýapkershilikke tartyldy. Kámeletke tolmaǵan qyzdar óz áreketiniń zańsyzdyǵyn túsindi", - dep jazylǵan Aqtóbe oblysy PD habarlamasynda.
Aita keteiik, 17 qazanda "Aqtóbe" FK men "Ordabasy" FK arasynda Qazaqstan premer-ligasynyń matchi ótti. Match kezinde jankúier qyzdardyń biri "NO SHYMSIDE, NO TEXAS FANS!" degen jazýy bar plakat kótergen. Onyń janynda Ózbekstannyń týyna uqsas sýret beinelengen. Bul oqiǵa áleýmettik jelide daý týǵyzdy. Keibir qoldanýshylar bul jaitty tekserýdi talap etti.
