Qarjylyq monitoring agenttiginiń Almaty oblysy boiynsha departamenti «Albi» lombardtar jelisiniń zańsyz qyzmetin toqtatty, dep habarlaidy dalanews.kz.
Tergeý málimetinshe, buǵan deiin «Albi-Lombard» JShS mikroqarjylyq qyzmetpen ainalysatyn uiymdardyń tiziliminen shyǵarylyp, lombard qyzmetin júrgizý quqyǵynan aiyrylǵan. Alaida kompaniia ataýyn «Albi-KM» JShS dep ózgertkennen keiin de Almaty jáne Túrkistan oblystarynda zergerlik buiymdardy kepilge alyp, qaryz berýdi jalǵastyrǵan.
Lombardtar negizinen bazarlar men saýda úileriniń mańynda ornalasqan. Klientterdi tartý úshin kepilge qoiylǵan múliktiń joǵary baǵalanatynyn jáne qaryz alýdyń nesie tarihyna áser etpeitinin aityp, jarnama taratqan. Qaryz kúnine 2 paiyzdyq ósimmen berilgen. Bul zańda belgilengen 0,3 paiyzdyq shekti mólsherlemeden alty ese joǵary.
Qaryz sharttary burynǵy «Albi-Lombard» JShS-niń mórleri basylǵan kepil biletteri arqyly rásimdelgen. Al aqshalai esep aiyrysý qolma-qol jáne kúdiktilerdiń baqylaýyndaǵy jeke kásipkerlerdiń bank shottary arqyly júrgizilgen.
Qylmystyq jolmen túsken tabys 146 mln teńgeden asqan. Kúdikti áielge qatysty eshqaida ketpeý jáne tiisti minez-qulyq týraly qolhat alý túrindegi bultartpaý sharasy qoldanyldy.
Sottyń ruqsatymen onyń múlkine, atap aitqanda, 21 páterine, 5 jer telimine, 7 avtokóligine, 7 garajyna, 2 dúkeni men qonaqúiine tyiym salyndy. Qylmystyq is sotqa joldandy.
Ózge málimetter Qazaqstan Respýblikasy Qylmystyq-protsestik kodeksiniń 201-babyna sáikes jariia etilmeidi.
