Densaýlyq saqtaý ministrligi álemdegi infektsiialyq aýrýlarǵa, sonyń ishinde maimyl shesheginiń epidemiologiialyq jaǵdaiyna turaqty monitoring júrgizilip jatqanyn málimdedi, dep habarlaidy dalanews.kz.
Vedomstvo málimetinshe, álemniń keibir elinde maimyl sheshegi tirkelip, halyqaralyq kólik qatynasy belsendi bolǵandyqtan, infektsiianyń Qazaqstanǵa kelý qaýpi bar.
"Alaida virýstyń taralý erekshelikterin eskersek, onyń el ishinde keńinen taralý yqtimaldyǵy tómen. Qazaqstanda infektsiia syrttan ákelinýine jáne taralýyna jol bermeý úshin aldyn alý sharalary júrgizilip jatyr", - dep jazylǵan habarlamada.
Sonyń ishinde:
- memlekettik shekaradaǵy ótkizý pýnktterindesanitariialyq baqylaý kúsheitildi;
- maimyl sheshegi tirkelgen elderdegi epidemiologiialyq jaǵdai jáne sol memleketterden kelgen azamattar baqylaýda;
- ótkizý pýnktteri dene qyzýyn ólsheitin quraldarmen jabdyqtaldy;
- meditsinalyq uiymdar men zerthanalardyń infektsiiany anyqtap, diagnoz qoiýǵa daiyndyǵy qamtamasyz etildi;
- asa qaýipti infektsiiaǵa kúdik týyndaǵan jaǵdaida habarlaý jáne tiisti mekemelerdiń birlesip áreket etý tártibi bekitildi.
Maimyl sheshegi tirkelgen elderdiń tizimi álemdegi epidemiologiialyq jaǵdaiǵa qarai únemi jańartylyp otyrady. Kóliktiń barlyq túrinde júrgizilgen baqylaý kezinde asa qaýipti infektsiia juqtyrǵan nemese juqtyrdy degen kúdikke ilingen adamdar anyqtalmaǵan.
Maimyl sheshegi - MPXV virýsy týdyratyn juqpaly aýrý. Ol kóbine infektsiia juqtyrǵan adammen tyǵyz bailanys kezinde beriledi. Mysaly, naýqastyń terisindegi bórtpelermen nemese biologiialyq suiyqtyqtarymen janasqanda juǵýy múmkin. Sondai-aq, virýs juqqan kiim, tósek-oryn jáne basqa da zattar arqyly, infektsiia juqtyrǵan janýarlarmen bailanys kezinde taralýy yqtimal.
