"Ádilet" partiiasy Quryltaidaǵy bos depýtattyq mandatqa Gúlnar Toilybaevanyń kandidatýrasyn usyndy. Tiisti sheshimdi partiianyń Saiasi keńesi Biýrosy qabyldady, dep habarlaidy dalanews.kz.
Partiia málimetinshe, depýtattyq mandat Tatiana Savelevanyń ókilettigi merziminen buryn toqtatylǵannan keiin bosaǵan.
Osyǵan bailanysty "Ádilet" partiiasy Saiasi keńesiniń Biýrosy partiialyq tizim boiynsha bos orynǵa Gúlnar Toilybaevanyń kandidatýrasyn usyný týraly sheshim shyǵarǵan.
Gúlnar Toilybaeva kim?
Gúlnar Toilybaeva memlekettik qyzmet pen partiialyq qurylymdarda kóp jyldyq tájiribesi bar.
Ár jyldary oblystyq máslihattyń hatshysy jáne tóraǵasy qyzmetterin atqarǵan. Qazirgi ýaqytta Jetisý oblysy ákiminiń keńesshisi bolyp jumys isteidi.
Ol buǵan deiin "Ádilet" partiiasynyń Quryltai sailaýyna usynǵan kandidattar tizimine de engizilgen. Partiia Saiasi keńesi Biýrosynyń tiisti qaýlysy Qazaqstan Respýblikasynyń Ortalyq sailaý komissiiasyna joldandy.
