2027-2028 oqý jylynan bastap Qazaq ulttyq qyzdar pedagogikalyq ýniversitetine jańadan túsetin stýdentterge tamaqtaný shyǵyny ótelmeýi múmkin. Ǵylym jáne joǵary bilim ministrligi osyndai usynys ázirledi, dep habarlaidy dalanews.kz.
Qazir memlekettik bilim berý grantymen oqityn ýniversitet stýdentteriniń ystyq tamaqqa jumsaǵan shyǵyny tolyq óteledi. Qarajat stýdentterdiń bank shottaryna tikelei aýdarylýy múmkin.
Alaida ministrlik 2027-2028 oqý jylynan bastap bul jeńildikti birinshi kýrsqa jańadan qabyldanatyn stýdentter úshin alyp tastaýdy usynyp otyr. Al grantpen oqyp júrgen jáne 2027-2028 oqý jylyna deiin oqýǵa túsken stýdentter tamaqtaný shyǵynynyń ótemaqysyn alý quqyǵyn saqtaidy.
Ministrlik bul bastamany biýdjet shyǵyndaryn qysqartý qajettiligimen túsindirdi. Degenmen qansha qarajat únemdeý josparlanyp otyrǵany ázirge naqtylanbaǵan.
Sonymen qatar bilim berý granttary men stipendiialardy joiý kózdelmegen. Usynylyp otyrǵan ózgeris tek tamaqtaný shyǵynyn óteýge qatysty.
Qujat «Ashyq normativtik quqyqtyq aktiler» portalynda jariialandy. Qoǵamdyq talqylaý 3 qarashaǵa deiin jalǵasady.
