Qazaqstan ulttyq quramasy Koreia Respýblikasynyń Inchhon qalasynda ótken FIRST Global Challenge 2026 halyqaralyq sporttyq robototehnika chempionatynda álemdik reitingtiń úzdik tórttigine endi. Baiqaýǵa álemniń 185 elinen komandalar qatysty, dep habarlaidy dalanews.kz.
Qazaqstandyq oqýshylar irikteý kezeńindegi 11 kezdesýdiń barlyǵynda jeńiske jetip, plei-off kezeńine joldama aldy. Jarys qorytyndysy boiynsha ulttyq qurama álemdik reitingte tórtinshi orynǵa ie bolyp, injenerlik daiyndyq pen komandalyq jumystyń joǵary deńgeiin kórsetti.
Qazaqstan quramasy buǵan deiin tórt jyl qatarynan FIRST Global Challenge chempionatynyń jeńimpazy atanǵan bolatyn.
Ulttyq qurama sapynda Almaty qalasyndaǵy M.Gandi atyndaǵy №92 mektep-litseidiń 9-11-synyp oqýshylary Hýsein Maqsut, Nurtas Serik, Aspandiiar Berdali jáne Arnýr Abdýlla, sondai-aq, Y.Altynsarin atyndaǵy №159 gimnaziianyń oqýshysy Erasyl Endibai óner kórsetti.
Ulttyq qurama Oqý-aǵartý ministrliginiń "Daryn" respýblikalyq ǵylymi-praktikalyq ortalyǵy men USTEM Foundation qoǵamdyq qory birlesip uiymdastyrǵan irikteý nátijesinde jasaqtalǵan. Bul jumysqa Jasandy intellekt jáne tsifrlyq damý ministrligi, Astana Hub halyqaralyq innovatsiialyq klasteri qatysyp, Astana Motors quramyndaǵy OMODA & JAECOO brendteri qoldaý kórsetti.
