قازاقستان ۇلتتىق قۇراماسى كورەيا رەسپۋبليكاسىنىڭ ينچحون قالاسىندا ٶتكەن FIRST Global Challenge 2026 حالىقارالىق سپورتتىق روبوتوتەحنيكا چەمپيوناتىندا ەلەمدٸك رەيتينگتٸڭ ٷزدٸك تٶرتتٸگٸنە ەندٸ. بايقاۋعا ەلەمنٸڭ 185 ەلٸنەن كوماندالار قاتىستى, دەپ حابارلايدى dalanews.kz.
قازاقستاندىق وقۋشىلار ٸرٸكتەۋ كەزەڭٸندەگٸ 11 كەزدەسۋدٸڭ بارلىعىندا جەڭٸسكە جەتٸپ, پلەي-وفف كەزەڭٸنە جولداما الدى. جارىس قورىتىندىسى بويىنشا ۇلتتىق قۇراما ەلەمدٸك رەيتينگتە تٶرتٸنشٸ ورىنعا يە بولىپ, ينجەنەرلٸك دايىندىق پەن كوماندالىق جۇمىستىڭ جوعارى دەڭگەيٸن كٶرسەتتٸ.
قازاقستان قۇراماسى بۇعان دەيٸن تٶرت جىل قاتارىنان FIRST Global Challenge چەمپيوناتىنىڭ جەڭٸمپازى اتانعان بولاتىن.
ۇلتتىق قۇراما ساپىندا الماتى قالاسىنداعى م.گاندي اتىنداعى №92 مەكتەپ-ليتسەيدٸڭ 9-11-سىنىپ وقۋشىلارى حۋسەين ماقسۇت, نۇرتاس سەرٸك, اسپاندييار بەردالي جەنە ارنۋر ابدۋللا, سونداي-اق, ى.التىنسارين اتىنداعى №159 گيمنازييانىڭ وقۋشىسى ەراسىل ەندٸباي ٶنەر كٶرسەتتٸ.
ۇلتتىق قۇراما وقۋ-اعارتۋ مينيسترلٸگٸنٸڭ "دارىن" رەسپۋبليكالىق عىلىمي-پراكتيكالىق ورتالىعى مەن USTEM Foundation قوعامدىق قورى بٸرلەسٸپ ۇيىمداستىرعان ٸرٸكتەۋ نەتيجەسٸندە جاساقتالعان. بۇل جۇمىسقا جاساندى ينتەللەكت جەنە تسيفرلىق دامۋ مينيسترلٸگٸ, Astana Hub حالىقارالىق يننوۆاتسييالىق كلاستەرٸ قاتىسىپ, Astana Motors قۇرامىنداعى OMODA & JAECOO برەندتەرٸ قولداۋ كٶرسەتتٸ.
