"Aqtóbe" fýtbol klýby match kezinde "Ordabasy" jankúierlerin qorlaityn plakat úshin aiyppul arqalaǵan qyzdardyń shyǵynyn ózderi óteitinin málimdedi, dep habarlaidy dalanews.kz.
"Aqtóbe" fýtbol klýby úshin ár jankúierdiń orny bólek. Aiyppul alǵan alty arýymyzdyń da shyǵynyn "Aqtóbe" fýtbol klýby tolyqtai ótep beredi. Qarakózderimiz qatelesken tusyn tolyqtai túsindi. Aldaǵy ýaqytta da komandaǵa qoldaý bildirip, kelesi joly bári erejege sai bolady dep ýáde berdi", - dep jazylǵan klýb habarlamasynda.
Aita keteiik, 17 qazanda "Aqtóbe" FK men "Ordabasy" FK arasynda Qazaqstan premer-ligasynyń matchi ótti. Match kezinde jankúier qyzdardyń biri "NO SHYMSIDE, NO TEXAS FANS!" degen jazýy bar plakat kótergen. Onyń janynda Ózbekstannyń týyna uqsas sýret beinelengen. Bul oqiǵa áleýmettik jelide daý týǵyzdy. Keibir qoldanýshylar bul jaitty tekserýdi talap etti.
Keiin politsiia kámeletke tolmaǵandardy anyqtady.
