قازاقستاندا 2026 جىلعى قاڭتار-قىركٷيەك ايلارىندا 136 548 جەڭٸل اۆتوكٶلٸك شىعارىلىپ, ٶندٸرٸس كٶلەمٸ ٶتكەن جىلدىڭ سەيكەس كەزەڭٸمەن سالىستىرعاندا 38%-عا ارتتى, دەپ حابارلايدى dalanews.kz.
«2026 جىلعى قاڭتار-قىركٷيەك ايلارىندا قازاقستاندا 136 548 جەڭٸل اۆتوكٶلٸك ٶندٸرٸلدٸ. بۇل 2025 جىلدىڭ سەيكەس كەزەڭٸمەن سالىستىرعاندا 38%-عا كٶپ», – دەلٸنگەن سەيسەنبٸ كٷنٸ جارييالانعان حابارلامادا.
بيۋرونىڭ ناقتىلاۋىنشا, قىركٷيەك ايىندا وتاندىق كەسٸپورىندار 19 377 جەڭٸل اۆتوكٶلٸك شىعارعان. بۇل ٶتكەن جىلدىڭ وسى ايىنداعى كٶرسەتكٸشتەن 66,4%-عا, ال 2026 جىلعى تامىزداعى نەتيجەدەن 35,5%-عا جوعارى.
جارييالانعان مەلٸمەتتەرگە سەيكەس, قازاقستاندا اۆتوموبيل ٶندٸرٸسٸمەن 12 كەسٸپورىن اينالىسادى. ٶندٸرٸستٸك قۋاتتاردىڭ باسىم بٶلٸگٸ قوستاناي جەنە الماتى وبلىستارىندا شوعىرلانعان. جالپى ٶندٸرٸس كٶلەمٸندەگٸ قوستاناي وبلىسىنىڭ ٷلەسٸ 50,5%-دى, ال الماتى وبلىسىنىڭ ٷلەسٸ 49,5%-دى قۇرادى.
اقشالاي مەندە «اۆتوموبيلدەر, تٸركەمەلەر جەنە جارتىلاي تٸركەمەلەر» ساناتىنداعى ٶنەركەسٸپ ٶندٸرٸسٸنٸڭ كٶلەمٸ توعىز ايدا 1,67 ترلن تەڭگەگە جەتتٸ. ۇلتتىق ستاتيستيكا بيۋروسىنىڭ دەرەگٸنشە, وسى سەگمەنتتەگٸ ٶنەركەسٸپتٸك ٶندٸرٸس يندەكسٸ 2025 جىلعى قاڭتار-قىركٷيەك كەزەڭٸمەن سالىستىرعاندا 129,9% بولدى.
قىركٷيەك ايىندا ٶندٸرٸلگەن ٶنٸمنٸڭ قۇنى 198,4 ملرد تەڭگەنٸ قۇرادى. بۇل كٶرسەتكٸش تامىز ايىمەن سالىستىرعاندا 25,7%-عا, ال 2025 جىلعى قىركٷيەكپەن سالىستىرعاندا 10,5%-عا ٶستٸ.
