Ortalyq sailaý komissiiasy Gúlnar Toilybaevany Qazaqstan Respýblikasy Quryltaiynyń depýtaty retinde resmi tirkedi. Oǵan depýtattyq kýálik pen tósbelgi tabystaldy.
Ortalyq sailaý komissiiasynyń tóraǵasy Nurlan Ábdirov jańadan tirkelgen depýtatqa tiisti qujattar men tósbelgini tapsyrdy.
Onyń aitýynsha, buǵan deiin «Ádilet» partiiasy Saiasi keńesi Biýrosynyń Quryltaidaǵy bos depýtattyq mandatty partiialyq tizimge engizilgen Gúlnar Toilybaevaǵa berý týraly sheshimin Ortalyq sailaý komissiiasyna joldaǵan.
Nurlan Ábdirov Quryltai depýtatynyń ókilettigi Ortalyq sailaý komissiiasynda resmi tirkelgen sátten bastalatynyn túsindirdi.
"Qazaqstan Respýblikasynyń Quryltaiy jáne onyń depýtattarynyń mártebesi týraly" Konstitýtsiialyq zańnyń 44-babyna sáikes, Quryltai depýtatynyń ókilettigi Ortalyq sailaý komissiiasynda depýtat retinde tirkelgen sátten bastalady. Sizdiń mol kásibi tájiribeńiz eldegi zań shyǵarýshy bilikti júzege asyratyn joǵary ókildi organda nátijeli jumys isteýge múmkindik beretinine senimdimin", – dedi Nurlan Ábdirov.
Gúlnar Toilybaeva kim?
Gúlnar Toilybaeva memlekettik organdar men partiia qurylymdarynda birqatar qyzmet atqarǵan.
Buǵan deiin oblystyq máslihattyń hatshysy jáne tóraǵasy bolǵan. Keiin Jetisý oblysy ákiminiń keńesshisi qyzmetin atqardy.
Eske salaiyq, Quryltaidaǵy depýtattyq oryn Tatiana Savelevanyń ókilettigi merziminen buryn toqtatylǵannan keiin bosaǵan edi. Keiin Savelevanyń Qazaqstan qorǵanys ministriniń orynbasary qyzmetine taǵaiyndalǵany belgili boldy.
