Mańǵystaý oblysynyń Munaily aýdanynda bóten taýar belgisin zańsyz paidalaný belgileri bar 282 ónim tárkilendi, dep habarlaidy dalanews.kz.
Mańǵystaý oblysynyń Munaily aýdanynda bóten taýar belgisin zańsyz paidalaný belgileri bar 282 ónim tárkilendi. Bul týraly óńirlik politsiia departamentiniń baspasóz qyzmeti habarlady.
Politsiianyń beisenbi kúngi málimetinshe, quqyq iesiniń ókili óńir aýmaǵynda ózine tiesili brendpen ónimderdi zańsyz satýy múmkin ekeni týraly aryzdanǵan. Osy ótinishten keiin tekserý bastalǵan.
Sotqa deiingi tergep-tekserý aiasynda Aqtaý qalasynyń mamandandyrylǵan aýdanaralyq tergeý sotynyń sanktsiiasymen Munaily aýdanynyń ónerkásiptik aimaǵynda ornalasqan saýda nysanynda tintý júrgizilgen.
Vedomstvonyń habarlaýynsha, tintý nátijesinde 282 ónim anyqtalyp, tárkilengen.
Qazirgi ýaqytta tergeýshiler tárkilengen ónimderdiń shyǵý tegin, olardy jetkizý, saqtaý jáne ótkizý joldaryn, sondai-aq zańsyz ainalymǵa qatysy bolýy múmkin tulǵalardy anyqtap jatyr.
Tergeý jalǵasýda.
Qazaqstan Respýblikasy Qylmystyq-protsestik kodeksiniń 201-babyna sáikes, politsiia istiń ózge mán-jailaryn jariia etpeidi.
