Astanada kontsertke jalǵan bilet satyp, eki adamdy aldaǵan 30 jastaǵy azamatqa sot úkimi shyqty. Qalalyq prokýratýranyń málimetinshe, ol osy áreketi arqyly turǵyndarǵa 90 myń teńge kóleminde shyǵyn keltirgen, dep habarlaidy dalanews.kz.
Er adam aldymen kontsertke arnalǵan eki biletti resmi saittan satyp alǵan. Keiin olardyń derektemelerin ózgertip, jalǵan nusqasyn daiyndaǵan. Artynsha Threads áleýmettik jelisine biletterdi satatyny týraly habarlandyrý jariialaǵan.
Usynysqa eki adam, sonyń ishinde kámeletke tolmaǵan jasóspirim de qyzyǵýshylyq tanytqan. Satyp alýshylardyń biri oǵan 50 myń teńge, ekinshisi 40 myń teńge aýdarǵan. Aqshany alǵan soń satýshy ekeýin de buǵattap, bailanysqa shyqpai qoiǵan.
Sot aiyptalýshyny eki jylǵa bas bostandyǵyn shekteý jazasyna kesip, osy merzimge probatsiialyq baqylaý belgiledi. Úkim shyǵarý kezinde onyń kinásin tolyq moiyndap, jábirlenýshilerge keltirilgen shyǵyndy ótegeni eskerildi.
Sot úkimi zańdy kúshine endi.
