Qazaqstan bankterindegi depozitterdiń jalpy kólemi qyrkúiekke qarai 50 trln teńgeden asty. Alaida bir aidyń ishinde depozitter kólemi 669,3 mlrd teńgege azaiǵan. Jyl basynan beri jalpy ósim 2,3 trln teńge boldy. Bul týraly Ranking sarapshylary málimdedi, dep habarlaidy dalanews.kz.
Sarapshylardyń málimetinshe, Qazaqstandaǵy 23 ekinshi deńgeili banktiń 14-inde depozit portfeli qysqarǵan. Al qalǵan toǵyz bank ósim kórsetken.
Bank sektoryndaǵy depozitterdiń basym bóligi jeke tulǵalardyń salymdarynan turady. Tamyz aiynyń qorytyndysy boiynsha halyqtyń bankterdegi depozitteri 30,7 trln teńgege jetken. Bir aida bul kórsetkish 132,8 mlrd teńgege ósken.
Qańtardan beri jeke tulǵalardyń depozitteri 2,4 trln teńgege nemese 8,6%-ǵa artqan.
Osylaisha, halyqtyń salymdary Qazaqstannyń ekinshi deńgeili bankterindegi barlyq depozittiń 60%-yn quraǵan.
Al zańdy tulǵalardyń depozitteri boiynsha jaǵdai ózgeshe. Úsh toqsannyń qorytyndysynda kompaniialar men uiymdardyń bankterdegi salymdary 139,7 mlrd teńgege qysqarǵan. Olardyń jalpy depozitterdegi úlesi 39,9% boldy.
