2026 jylǵy 31 qazannan bastap "Otbasy bankte" aldyn ala jáne aralyq turǵyn úi zaemdaryn rásimdeý úshin alynatyn komissiianyń eń joǵary mólsheri 1 mln teńgege deiin ósedi. Jańa talap, negizinen, baspana satyp alý úshin iri kólemde nesie rásimdeitin klientterge qatysty, dep habarlaidy dalanews.kz.
Nege Aqsha málimetinshe, komissiianyń negizgi mólsherlemesi ózgermeidi jáne qaryz somasynyń 1 paiyzy deńgeiinde qalady. Alaida alynatyn tólemniń shekti kólemi nesie somasyna qarai belgilenedi. Atap aitqanda, 50 mln teńgege deiingi zaemdar boiynsha komissiia 300 myń teńgeden aspaidy. Nesie kólemi 50 mln teńgeden 100 mln teńgege deiin bolsa, eń joǵary komissiia 500 myń teńgeni quraidy. Al 100 mln teńgeden asatyn zaemdar úshin komissiia 1 mln teńgege deiin jetedi.
Bank málimetinshe, klientterdiń 92 paiyzy 50 mln teńgege deiin nesie rásimdeidi. Sondyqtan qaryz alýshylardyń basym bóligi úshin komissiianyń eń joǵary mólsheri ózgerissiz qalady.
