Qazaqstan Syrtqy ister ministrligi Resei tarapynyń jańa kirý erejelerine qatysty suraqtaryna jaýap berdi. Vedomstvonyń málimetinshe, QazETA elektrondy ruqsat berý júiesi vizasyz rejim qoldanylatyn 85 eldiń azamattaryna, sonyń ishinde Resei azamattaryna da qatysty bolady, dep habarlaidy dalanews.kz.
Qazaqstan SIM málimetinshe, jańa tártipke qatysty qajetti aqparat Máskeýge resmi diplomatiialyq arnalar arqyly jetkizilgen.
Ministrlik qosymsha túsiniktemelerdi sheteldegi Qazaqstannyń diplomatiialyq ókildikteriniń saittarynda aldyn ala jariialaýdy josparlap otyr. Sonymen qatar Astanada shet memleketterdiń diplomatiialyq missiialaryna arnalǵan arnaiy brifing ótkizý kózdelgen.
Bul málimdeme Resei Syrtqy ister ministrliginiń resmi ókili Mariia Zaharovanyń jańa kirý erejelerine qatysty qosymsha túsinikteme suraýyna jaýap retinde jasaldy.
Eske salaiyq, Qazaqstan vizasyz rejim qoldanylatyn shetel azamattaryna arnalǵan QazETA elektrondy ruqsat berý júiesin engizýdi josparlap otyr. Jańa júieniń talaptary men ony qoldaný tártibi týraly tolyq aqparat resmi resýrstarda jariialanady.
Aita keteiik, Resei Qazaqstannan vizasyz shetel azamattaryna arnalǵan elektrondy ruqsat berý júiesin engizý tártibine qatysty túsinikteme suraǵan bolatyn.
