Resei Qazaqstannan vizasyz shetel azamattaryna arnalǵan elektrondy ruqsat berý júiesin engizý tártibine qatysty túsinikteme kútedi. Bul týraly Resei Syrtqy ister ministrliginiń resmi ókili Mariia Zaharova málimdedi, dep habarlaidy dalanews.kz.
Máselege Qazaqstan úkimetiniń vizasyz rejimmen keletin shetel azamattary úshin elektrondy ruqsat (ETA) júiesin engizý týraly qaýlysy sebep bolǵan. Jańa talap Resei azamattaryna da qatysty.
Mariia Zaharova Qazaqstannyń kóshi-qon zańnamasyn ózgertý quqyǵyn qurmetteitinin atap ótti. Sonymen birge ol Eýraziialyq ekonomikalyq odaq (EAEO) azamattaryna qatysty jańa tártiptiń qalai qoldanylatyny jóninde naqty túsinikteme qajet ekenin aitty.
2027 jylǵy 1 shildege deiin elektrondy ruqsattyń bolmaýy Qazaqstanǵa kirýden bas tartýǵa negiz bolmaidy. Bul kezeńde shekara qyzmetkerleri azamattarǵa jańa talaptardy túsindirýmen shekteledi.
Alaida 2027 jylǵy 1 shildeden bastap elektrondy ruqsat alý tártibi vizasyz keletin barlyq sheteldik azamattar úshin mindetti bolady.
