Shymkenttegi memlekettik mektepterde 170 myńnan astam oqýlyq tapshylyǵy anyqtaldy. Sonymen qatar 110 myńnan astam kitap tozǵan nemese paidalanýǵa jaramsyz. Qala prokýratýrasynyń tekserýinen keiin 46 myńnan astam oqýshy oqýlyqpen qamtamasyz etildi, dep habarlaidy dalanews.kz.
Prokýratýranyń málimetinshe, qala mektepterindegi oqýlyq qorynyń shamamen 74%-yn jańartý qajet. Bul – 2 mln dana kitap.
Tekserý barysynda sońǵy úsh jylda mektepterde oqýshylar sany eskerile otyryp, oqý ádebietterine túgendeý júrgizilmegeni anyqtalǵan. Oqýlyqtardy satyp alý bilim berý uiymdarynyń naqty qajettiligin ótemegen, al kitap qoryn jańartý merzimderi saqtalmaǵan.
Máselen, N. Ondasynov atyndaǵy №38 mektep-gimnaziiasy besinshi synyp oqýshylaryna aǵylshyn tili páninen 293 oqýlyq suratqanymen, tek 90 danasyn alǵan. Kitap jetispegendikten, oqýshylarǵa túpteri búlingen jáne keibir betteri joq eski oqýlyqtar berilgen.
Prokýratýranyń aralasýynan keiin 46 myńnan astam oqýshy oqýlyqpen qamtamasyz etildi. Sonymen qatar qalada kitap qoryn esepke alý úshin «Alaqan» elektrondy kitaphana júiesi engizildi.
Júie oqýlyqtardy esepke alýǵa jáne mektepterdiń oqý ádebietterine degen qajettiligin aldyn ala josparlaýǵa múmkindik beredi.
