شىمكەنتتەگٸ مەملەكەتتٸك مەكتەپتەردە 170 مىڭنان استام وقۋلىق تاپشىلىعى انىقتالدى. سونىمەن قاتار 110 مىڭنان استام كٸتاپ توزعان نەمەسە پايدالانۋعا جارامسىز. قالا پروكۋراتۋراسىنىڭ تەكسەرۋٸنەن كەيٸن 46 مىڭنان استام وقۋشى وقۋلىقپەن قامتاماسىز ەتٸلدٸ, دەپ حابارلايدى dalanews.kz.
پروكۋراتۋرانىڭ مەلٸمەتٸنشە, قالا مەكتەپتەرٸندەگٸ وقۋلىق قورىنىڭ شامامەن 74%-ىن جاڭارتۋ قاجەت. بۇل – 2 ملن دانا كٸتاپ.
تەكسەرۋ بارىسىندا سوڭعى ٷش جىلدا مەكتەپتەردە وقۋشىلار سانى ەسكەرٸلە وتىرىپ, وقۋ ەدەبيەتتەرٸنە تٷگەندەۋ جٷرگٸزٸلمەگەنٸ انىقتالعان. وقۋلىقتاردى ساتىپ الۋ بٸلٸم بەرۋ ۇيىمدارىنىڭ ناقتى قاجەتتٸلٸگٸن ٶتەمەگەن, ال كٸتاپ قورىن جاڭارتۋ مەرزٸمدەرٸ ساقتالماعان.
مەسەلەن, ن. ونداسىنوۆ اتىنداعى №38 مەكتەپ-گيمنازيياسى بەسٸنشٸ سىنىپ وقۋشىلارىنا اعىلشىن تٸلٸ پەنٸنەن 293 وقۋلىق سۇراتقانىمەن, تەك 90 داناسىن العان. كٸتاپ جەتٸسپەگەندٸكتەن, وقۋشىلارعا تٷپتەرٸ بٷلٸنگەن جەنە كەيبٸر بەتتەرٸ جوق ەسكٸ وقۋلىقتار بەرٸلگەن.
پروكۋراتۋرانىڭ ارالاسۋىنان كەيٸن 46 مىڭنان استام وقۋشى وقۋلىقپەن قامتاماسىز ەتٸلدٸ. سونىمەن قاتار قالادا كٸتاپ قورىن ەسەپكە الۋ ٷشٸن «Alaqan» ەلەكتروندى كٸتاپحانا جٷيەسٸ ەنگٸزٸلدٸ.
جٷيە وقۋلىقتاردى ەسەپكە الۋعا جەنە مەكتەپتەردٸڭ وقۋ ەدەبيەتتەرٸنە دەگەن قاجەتتٸلٸگٸن الدىن الا جوسپارلاۋعا مٷمكٸندٸك بەرەدٸ.
