رەسپۋبليكا كٷنٸ قارساڭىندا شىعىس قازاقستان وبلىسى كٷرشٸم اۋدانىنىڭ قىستاۋ-كٷرشٸم اۋىلىندا 50 وقۋشىعا ارنالعان جاڭا مەكتەپ اشىلدى. زاماناۋي عيمارات جارتى عاسىردان استام ۋاقىت پايدالانىلىپ, اپاتتى جاعدايعا جەتكەن ەسكٸ مەكتەپتٸڭ ورنىنا سالىندى. ەندٸ اۋىل بالالارىنا جابدىقتالعان وقۋ كابينەتتەرٸ, زەرتحانالار, سپورت زالى جەنە مەكتەپكە دەيٸنگٸ شاعىن ورتالىق قىزمەت كٶرسەتەدٸ, دەپ حابارلايدى dalanews.kz.
بۇرىنعى مەكتەپ 1974 جىلى سالىنىپ, 1975 جىلى پايدالانۋعا بەرٸلگەن. ۇزاق جىلدار بويى پايدالانىلعان عيمارات ەبدەن توزىپ, جەكە سپورت زالىنىڭ بولماۋى دەنە شىنىقتىرۋ ساباقتارىن ٶتكٸزۋ مٷمكٸندٸگٸن شەكتەگەن.
جاڭا مەكتەپتە بٸر اۋىسىمدا بٸلٸم الۋعا قاجەتتٸ بارلىق جاعداي جاسالعان. مۇندا وقۋ كابينەتتەرٸ, زەرتحانالار, اكت زالى, اسحانا جەنە كٸتاپحانا بار. عيمارات ينتەرنەت جەلٸسٸنە قوسىلىپ, ەلەكترمەن جىلىتۋ جٷيەسٸ ورناتىلعان, مەكتەپ اۋماعى اباتتاندىرىلعان.
سالتاناتتى اشىلۋ رەسٸمٸندە شىعىس قازاقستان وبلىسىنىڭ ەكٸمٸ نۇرىمبەت ساقتاعانوۆ تۇرعىلىقتى جەرٸنە قاراماستان, بارلىق بالاعا ساپالى بٸلٸم الۋعا تەڭ مٷمكٸندٸك جاساۋدىڭ ماڭىزدىلىعىن اتاپ ٶتتٸ. سونداي-اق ٶڭٸر باسشىسى مەكتەپكە روبوتوتەحنيكا كابينەتٸن جابدىقتاۋعا ارنالعان سەرتيفيكات تابىستادى.
اۋىل تۇرعىندارى ٷشٸن تاعى بٸر ماڭىزدى جاڭالىق – مەكتەپ جانىنان مەكتەپكە دەيٸنگٸ شاعىن ورتالىقتىڭ اشىلۋى. بۇعان دەيٸن اۋىلدا بالاباقشا بولماعان. قازٸر شاعىن ورتالىققا التى بالا بارادى. بٷگٸندە مەكتەپتە 26 قىزمەتكەر جۇمىس ٸستەيدٸ, ونىڭ 13-ٸ – پەداگوگ. مەكتەپ ەكٸمشٸلٸگٸنٸڭ مەلٸمەتٸنشە, مۇعالٸمدەرگە دەگەن قاجەتتٸلٸك تولىق قامتاماسىز ەتٸلگەن. مامانداردى تارتۋ ماقساتىندا جەرگٸلٸكتٸ كەسٸپورىننىڭ قولداۋىمەن ەكٸ پەتەر ساتىپ الىنعان. سونىڭ نەتيجەسٸندە بالالارى بار ەكٸ وتباسى اۋىلعا قونىس اۋداردى. ولاردىڭ قاتارىندا فيزيكا جەنە تاريح پەندەرٸنٸڭ مۇعالٸمدەرٸ بار.
وسىلايشا, جاڭا مەكتەپتٸڭ اشىلۋى بالالاردىڭ بٸلٸم الۋ جاعدايىن جاقسارتىپ قانا قويماي, مەكتەپكە دەيٸنگٸ تەربيەمەن قامتۋعا جەنە اۋىلعا بٸلٸكتٸ ماماندار تارتۋعا مٷمكٸندٸك بەردٸ. قىستاۋ-كٷرشٸم تۇرعىندارى ٷشٸن بۇل – اۋىلدىڭ ەلەۋمەتتٸك ينفراقۇرىلىمىن دامىتۋعا جەنە حالىقتىڭ ٶمٸر سٷرۋ ساپاسىن ارتتىرۋعا باعىتتالعان ماڭىزدى قادام.
