«ەدٸلەت» پارتيياسىنىڭ دەپۋتاتى ايناگٷل بالتاشەۆا پەداگوگ-اسسيستەنتتەردٸڭ اپتالىق نورماتيۆتٸك وقۋ جٷكتەمەسٸن 16 ساعات ەتٸپ بەكٸتٸپ, ەڭبەكاقى ەسەپتەۋدٸڭ بٸرىڭعاي تەرتٸبٸن ەنگٸزۋدٸ ۇسىندى. دەپۋتات بۇل مەسەلەنٸ وقۋ-اعارتۋ مينيسترٸ جۇلدىز سٷلەيمەنوۆاعا جولداعان ساۋالىندا كٶتەردٸ, دەپ حابارلايدى dalanews.kz.
دەپۋتاتتىڭ ايتۋىنشا, قازاقستاندا ەرەكشە بٸلٸم بەرۋ قاجەتتٸلٸكتەرٸ بار 237 مىڭعا جۋىق بالا تٸركەلگەن. ال بٸلٸم بەرۋ ۇيىمدارىندا شامامەن 6,5 مىڭ پەداگوگ-اسسيستەنت جۇمىس ٸستەيدٸ.
بالتاشەۆا پەداگوگ-اسسيستەنتتەر ەرەكشە بٸلٸم بەرۋ قاجەتتٸلٸكتەرٸ بار بالالاردىڭ بٸلٸم الۋىنا, ەلەۋمەتتٸك ورتاعا بەيٸمدەلۋٸنە, دەربەستٸك داعدىلارىن دامىتۋىنا جەنە ٶزٸنە دەگەن سەنٸمٸن قالىپتاستىرۋىنا كٶمەكتەسەتٸنٸن اتاپ ٶتتٸ. سوندىقتان ولاردىڭ ەڭبەك جاعدايى مەن ەڭبەكاقىسىن ەدٸل رەتتەۋ ينكليۋزيۆتٸ بٸلٸم بەرۋدٸڭ ساپاسىنا تٸكەلەي ەسەر ەتەدٸ.
دەپۋتاتتىڭ سٶزٸنشە, قازٸرگٸ نورماتيۆتٸك رەتتەۋدە پەداگوگ-اسسيستەنتتەردٸڭ اپتالىق وقۋ جٷكتەمەسٸ مەن جۇمىس ۋاقىتىن ەسەپتەۋ تەرتٸبٸن ناقتىلاۋ قاجەت. بۇعان دەيٸن ولاردىڭ ەڭبەكاقىسىن ەسەپتەۋ كەزٸندە اپتاسىنا 16 ساعاتتىق نورماتيۆتٸك وقۋ جٷكتەمەسٸ قولدانىلعان. الايدا قولدانىستاعى ەرەجەلەردەگٸ ايقىندىقتىڭ جەتكٸلٸكسٸزدٸگٸ ٶڭٸرلەردە جۇمىس ۋاقىتىن ەركەلكٸ ەسەپتەۋگە مٷمكٸندٸك بەرٸپ وتىر.
وسىعان بايلانىستى ايناگٷل بالتاشەۆا وقۋ-اعارتۋ مينيسترلٸگٸنە ٷش ۇسىنىس ەنگٸزدٸ.
بٸرٸنشٸدەن, «پەداگوگ مەرتەبەسٸ تۋرالى» زاڭ تالاپتارىن ەسكەرە وتىرىپ, پەداگوگ-اسسيستەنتتەردٸڭ اپتاسىنا 16 ساعاتتىق نورماتيۆتٸك وقۋ جٷكتەمەسٸن قۇقىقتىق تۇرعىدان بەكٸتۋ مٷمكٸندٸگٸن قاراستىرۋ جەنە وعان قارجىلىق نەگٸزدەمە ەزٸرلەۋ ۇسىنىلدى.
ەكٸنشٸدەن, بالانى تٸكەلەي سٷيەمەلدەۋگە جۇمسالاتىن ۋاقىتتى ساباققا دايىندالۋ, پەداگوگتەرمەن بٸرلەسٸپ جۇمىس ٸستەۋ جەنە قۇجاتتاما جٷرگٸزۋ سەكٸلدٸ ٶزگە كەسٸبي مٸندەتتەردەن اجىراتىپ, جۇمىس ۋاقىتىن ەسەپكە الۋ تەرتٸبٸن بەلگٸلەۋ قاجەت.
ٷشٸنشٸدەن, پەداگوگ-اسسيستەنتتەردٸڭ ەڭبەك جٷكتەمەسٸ مەن ەڭبەكاقىسىن ەسەپتەۋدٸڭ رەسپۋبليكا بويىنشا بٸرىڭعاي تەرتٸبٸن ەنگٸزۋ ۇسىنىلدى.
«پەداگوگ-اسسيستەنتتٸڭ ەڭبەك قۇقىعىن قورعاۋ – ەرەكشە بالانىڭ ساپالى بٸلٸم الۋ قۇقىعىن قورعاۋ», – دەپ اتاپ ٶتتٸ دەپۋتات.
ايناگٷل بالتاشەۆا كٶتەرٸلگەن مەسەلەلەر بويىنشا زاڭنامادا بەلگٸلەنگەن تەرتٸپپەن جازباشا جاۋاپ بەرۋدٸ سۇرادى.
