ورالدا 15 مينۋت ٸشٸندە جول ەرەجەسٸن بٸرنەشە رەت بۇزعان جٷرگٸزۋشٸ جاۋاپقا تارتىلدى. بۇل تۋرالى ٸٸم مەلٸمدەدٸ, دەپ حابارلايدى dalanews.kz.
جەلٸگە مونيتورينگ جٷرگٸزۋ بارىسىندا BMW كٶلٸگٸنٸڭ جٷرگٸزۋشٸسٸ جولدا جٷرۋ ەرەجەلەرٸن ٶرەسكەل بۇزىپ, قاۋٸپتٸ مانەۆرلەر جاساعانى كٶرٸنەتٸن ۆيدەو انىقتالعان.
كادردا جٷرگٸزۋشٸ كٶلٸكتەردٸ قاتارىنان باسىپ وزىپ, بٸرٸن سول جاعىنان, ەكٸنشٸسٸن وڭ جاعىنان اينالىپ ٶتٸپ, قاتتى جىلدامدىقپەن جٷرگەنٸ كٶرٸنەدٸ.
تەكسەرٸس نەتيجەسٸندە كٶلٸك انىقتالىپ, جٷرگٸزۋشٸ كٸم ەكەنٸ بەلگٸلٸ بولدى. ول - باتىس قازاقستان وبلىسىنىڭ 18 جاستاعى تۇرعىنى.
"بەينەباقىلاۋ جٷيەسٸ ارقىلى جٷرگٸزٸلگەن قوسىمشا تەكسەرٸس بارىسىندا جٷرگٸزۋشٸ نەبەرٸ 15 مينۋت ٸشٸندە ورال قالاسىنداعى كٶلٸك قوزعالىسى قارقىندى ەبٸلقايىر حان داڭعىلى مەن شولوحوۆ كٶشەسٸندە جول قوزعالىسى ەرەجەلەرٸن بٸرنەشە رەت بۇزىپ, ٶزگە كٶلٸك جٷرگٸزۋشٸلەرٸنە قاۋٸپ تٶندٸرەتٸن مانەۆرلەر جاساعانى انىقتالدى. جٷرگٸزۋشٸ زاڭ اياسىندا جاۋاپقا تارتىلدى, پروفيلاكتيكالىق تٷسٸندٸرۋ جۇمىستارى جٷرگٸزٸلدٸ", - دەدٸ ٸٸم ٶكٸلدەرٸ.
