Qazaqstanda 27 myńǵa jýyq adam apatty úilerde turyp jatyr, dep habarlaidy dalanews.kz.
Bul týraly Quryltai depýtaty Ámirbek Ospanbekov aitty. Sózinshe, respýblikanyń turǵyn úi qory – 61 367 kóppáterli turǵyn úi. Onyń ishinde 1 037 páter apatty jaǵdaida bolsa, 3 347-siniń tozyǵy jetken.
«Bul shamamen 27 myńǵa jýyq úi iesiniń baspanasy apattyq jaǵdaida nemese ábden eskirgen degendi bildiredi. Sońǵy 3 jylda turǵyn úi-kommýnaldyq infraqurylymdy damytý tujyrymdamasy sheńberinde óńirlerde 352 apattyq jaǵdaidaǵy jáne tozyǵy jetken turǵyn úi buzylyp, 200 kóppáterli turǵyn úi salyndy. Bul kórsetkish jalpy respýblika turǵyn úi qorynyń tek 0,3%-yn ǵana qamtyp otyr», – delingen depýtattyq saýalda.
Depýtat arnaiy komissiia qurýdy usyndy. Sonymen qatar renovatsiia baǵdarlamalarynyń oryndalýyn ákimderdiń jumys sapasyn baǵalaý reitingine engizý kerek ekenin aitty.
