Áleýmettik jelide Aqtaýda kúieýi aiaýsyz soqqyǵa jyqqanyn aitqan Ózbekstan azamaty qujattary bolmaǵandyqtan, arnaiy mekemege ornalastyrylǵany týraly aqparat tarady, dep habarlaidy dalanews.kz.
Bul aqparatty Human Rights Lawyers qoǵamdyq qorynyń jetekshisi Lázzat Raqysheva jariialady.
"Kúieýim uryp-soǵyp, shashymdy qyryp, tisterimdi syndyryp tastady. Qujattarymdy tartyp aldy. 2 balam bar, kúieýim meni qorlap ustap keledi", - dep jazylǵan ol jariialaǵan málimette.
Mańǵystaý oblysy politsiiasynyń málimetinshe, áielge dene jaraqatyn keltirý deregi boiynsha qylmystyq is qozǵalǵan.
"Oqiǵaǵa qatysýshylar Ózbekstan Respýblikasynyń azamattary ekeni anyqtaldy. Tekseris barysynda er adam men áiel Qazaqstan aýmaǵynda jeke basyn kýálandyratyn qujattarsyz júrgeni, sondai-aq, elde bolý zańdylyǵyn rastaityn qujattary joq ekeni belgili boldy. Er adamǵa qatysty Qazaqstannyń kóshi-qon zańnamasyna sáikes sharalar qabyldandy. Qazir onyń jeke basyn anyqtaý jáne el aýmaǵynda odan ári bolýyna qatysty máseleni sheshý úshin qabyldaý-taratý ornyna ornalastyryldy. Áiel turǵylyqty jerinde. Oǵan qatysty da kóshi-qon zańnamasy aiasynda tekseris júrgizilip jatyr", - dep jazylǵan politsiianyń habarlamasynda.
